******
सावळे वादळ आले देहावर हरवले जग अस्तित्व उधार
सावळे क्षितिज आले धरेवर
नेई मोहवत सावळा प्रहर
सावळी जाहले सावळ्या मिठीत
घनगर्द डोह सावळ्या दिठीत
सावळा संभार सावळ्या कपाळी
सावळीच अदा लबाडश्या गाली
सावळेच स्मित सावळ्या ओठात
सावळे अमृत विलग कडात
सावळे आकाश सावळा प्रकाश
तनमना वेढे सावळ्याचा पाश
प्राण हा सावळा श्वास हा सावळा
ऐक झाले सारे मिनले आभाळा
🌾🌾🌾
© डॉ.विक्रांत प्रभाकर तिकोणे https://kavitesathikavita.blogspot.com ☘☘☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा