****
लोभ कोंडले सुटावे
भय दाटले हरावे
अरे जगण्याचे ॥
मग चालावे उदास
नीट कळून जीवास
सारे सांडून सायास
व्यर्थ सुरक्षेचे ॥
काय मिळेल मजला
घर जमीनजुमला
बँक बॅलन्स भरला
चिंता नको तुज ॥
दत्त निर्गुणी भरला
मज निसर्गी दावला
दत्त अंतरी सदाला
असे घनदाट ॥
मस्त एकांती रमला
आत विक्रांत बसला
भ्रम जगाचा सुटला
खुळा पांघरला ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्या नाहीत:
टिप्पणी पोस्ट करा