जगणे
*****
जन्म झाला पथ सारा भान तया मुळी नाही
कुठली खंत वैषम्य
जाग जगण्याला नाही.
येतात गाड्या जातात
हात भीक मागतात.
सजे लाचारी डोळ्यात
सल नाही काळजात
किती सोपे आहे जिणे
देह उगाच वाहणे
पोट भरता सुखाने
फूटपाथी त्या निजणे
लाख भय जरी तिथे
महाभय परी नाही
जगणे माणसा कधी
उगा मरू देत नाही
दान पुण्याचा हिशोब
कधी कुणा सुख देई
भय शहारा वा कुणा
रुपयाचे दान येई
चाले जीवन वाहत
इथे असे तसे काही
घेवून पाणी नाल्याचे
सागर लाजत नाही
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
ु
कोणत्याही टिप्पण्‍या नाहीत:
टिप्पणी पोस्ट करा