बुधवार, ६ ऑक्टोबर, २०२१

बरे मोडले


बरे मोडले
*******

बरे मोडले दयाळा 
माझ्या घराचे छप्पर 
उंच बांधल्या माडीची
झाली कौले चूर चूर

झाला उजाड हा वाडा 
बघ संपली फिकीर 
कर झोळी तव पुढे 
सवे निघाला फकीर 

होते जमवले सारे 
गेले क्षणात लयाला 
हर्ष दाटला मनात 
देवें कलंदर केला 

तुच अपार एकटा 
मज व्यापून उरला 
तुच झालो मी रे दत्ता 
कुणी शोधाया नुरला


🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘ 

कोणत्याही टिप्पण्‍या नाहीत:

टिप्पणी पोस्ट करा

माय

माय **** ठेवताच हात  माय माथ्यावर  आलो भानावर  जागृतीच्या  झालीस कृपाळू  आई भगवती  चैतन्याच्या वाती  कणोकणी  ओस जगण्यात  स्वानंद...