मंगळवार, १९ ऑक्टोबर, २०२१

भोगवी


भोगवी
*****
का रे भोगवी वेदना 
मज दत्त दयाघना ॥

पाप इतुके का झाले 
भोग वाट्यास हे आले ॥

आता टाकावा म्हणतो 
देह जड हा वाटतो ॥

पुन्हा भोगायची भीती 
आहे ठेवली संगती ॥

तूच मुद्दलही देतो 
व्याज माथ्याला मारतो ॥

चक्रवाढी सावकार 
तुझा कळेना व्यापार ॥

विक्रांत चक्रात फिरे 
जन्म मृत्यू गरगरे ॥

दुःख वेदना साहतो 
त्यात प्रारब्ध पाहतो ॥


🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘ .

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...