मनीचे आकाश
****
मोह रंगल्या पाखरा
खुले आकाश दिसेना
फांदी सावली सुखाचे
हवे पण रे सुटेना
क्षितिजाला अंत नाही
मन सांगे पुन्हा मना
भय गोठलेले पंख
वारा कवेत घेईना
वृक्ष पायतळी दिसे
लाख पंख पिसलेले
हिरव्या झाडीत असे
डोळे हिरवे रोखले
उड उड रे पाखरा
फांदी सोड आता जरा
तुझ्या मनीचे आकाश
जावो आकाशाच्या घरा.
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्या नाहीत:
टिप्पणी पोस्ट करा