******
काही सेनापती असतात
उत्कृष्ट आखणी करणारे
माणसं हेरणारे
आणि त्यांची
नीटस पेरणी करणारे
काही सेनापती असतात
रणात उतरणारे
घोड्याला टाच देऊन
शत्रूला भिडणारे
काही सेनापती असतात
या दोन्हींचे समन्वय साधणारे
अस्मानीच्या सुलतानीला
तलवारीच्या टोकावर पेलणारे
आपल्या वाक्य चातुर्याने
आणि संयमी भाषणाने
अंतर्गत बंडाळी मोडणारे
छुप्या विरोधकांना नमवणारे
आणि या सर्व गुणांनी युक्त
सेनापति आम्हाला लाभले होते
ते कधी सक्त होते
कधी काटेकोर होते
कधी धारदार होते
पण अंतरी क्षीरसागर होते
🙏🙏
कोणत्याही टिप्पण्‍या नाहीत:
टिप्पणी पोस्ट करा