वाटा अंधाराच्या
*************
या वाटा निरुपायाच्या
दूर दूरवर जातात
परत न येण्यासाठी
या वाटा जागोजागी
असतात थांबलेल्या
चुकलेल्या वाटसरूंना
भुलून नेण्यासाठी
या वाटा दुःखाच्या जणू
तृण पाचोळा पांघरुनी
होतात निसरड्या केव्हा
अस्तित्वा गिळण्यासाठी
या वाटा वळणावरती
सदा भक्ष शोधत असती
तिमीराचा डंख देऊन
तिमिरात दिव्याला ओढती
पस्तावून कवट्या कितीक
पडल्यात वेशीवरती
गर्तेतील क्षण आठवूनी
झिजल्या वाचूनी झिजती
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा