सापड रे मला
******:***:
म्हणतो मी ज्याला
काय तो दडला
असे कुठे ॥
जाणून जाणतो
परी न दिसतो
जीव व्याकूळतो
तयाने हा ॥
म्हणे जो भेटला
आम्हा सापडला
पुसता तयाला
शोध म्हणे ॥
धावतो कशाला
शोध रे तयाला
जो का शोधायला
उताविळ ॥
बघ सापडता
तुजला शोधता
सारा आटापिटा
संपेल रे ॥
त्याच त्या शब्दांना
घेऊनी चित्ताला
विक्रांत निघाला
कुण्या पथा ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्या नाहीत:
टिप्पणी पोस्ट करा