व्यापार
******
दिला मी सोडून
टाकले मोडून
दुकानाला ॥
चोरी गेले सारे
ज्याचे त्यांनी नेले
मुद्दल दिधले
बुडीताला ॥
आता सारी चिंता
वाहू दे दत्ताला
जामीन ठेवला
तयालाच ॥
घालील तो खेटे
उगा परोपरी
दृष्टी माझ्यावरी
ठेवील गा ॥
विक्रांत तोट्यात
जरी का जगात
लाभला भाग्यात
व्यवहार ॥
ऐसा हा उद्यम
मांडे फायद्याचा
कृपाळू भिक्षेचा
याचक मी ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ d.
कोणत्याही टिप्पण्या नाहीत:
टिप्पणी पोस्ट करा