चालावी ती वाट
************
भक्तीविना देव
न पवे सर्वथा
सांगूनिया संता
ठेवियले ॥१
म्हणूनिया तीच
चालावी रे वाट
जेणे भगवंत
प्राप्त होई ॥२
सरोनिया जावो
भूक नि तहान
तयाचे स्मरण
ऐसे व्हावे ॥३
असू देत घर
मुल आणि दारा
परी सरो सारा
व्यवहार ॥४
राहावे घरात
जैसी धर्मशाळा
नच रे जीवाला
गुंतवावे ॥५
मना दृढ धरी
हाच उपदेश
सद्गुरू आदेश
जीवापाड ॥६
विक्रांत सदैव
राहो संतदारी
बोध निरंतरी
ह्रदयात ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा