अवधूत गती
**********
अवधूत गती
देऊनिया वृत्ती
पैल नेरे ॥
शून्यात साठला
जन्माचा सोहळा
एकांती मजला
पाहू दे रे ॥
निशब्द निर्वाती
समष्टी चा वास
अहम सवे ग्रास
होऊ दे रे ॥
धरणे जपणे
फुटके जगणे
उगा सांभाळणे
सरू दे रे ॥
वाजतो डिंडिम
कुठल्या देशाचा
मग मी तेथीचा
होऊ दे रे ॥
तीच ती जाणीव
उभा कड्यावर
भार तुझ्यावर
टाकू दे रे ॥
विक्रांत कुठला
कुठून हा आला
त्याचे ते तयाला
कळू दे रे ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा