शनिवार, ३ जुलै, २०२१

आहार


आहार
******

किती उगाळावा .
प्रश्न तोच तोच .
खाणार्‍यास बोच .
नाही तरी ॥

काय किती खावे 
कशाला हि चर्चा 
करा पुजा अर्चा 
तया पेक्षा ॥

मांस आणि मासे 
असे चवदार 
मसाले हि तर्रार 
तयातील ॥

करणारा करे 
मस्त शाकाहार 
चवीला वावर 
बहू असे ॥

देवाचिये वाटे 
लागताच पाय  
करितसे सोय 
मग तोच ॥

हिंसेचे ते मूळ 
दिसता सुस्पष्ट
कोण करी कष्ट 
मासांचे ते॥

आणि शाकाहारी 
जर जीव जडे 
ते ही काय कुडे 
कमी आहे?॥

करता नामाची
आपण ही जिव्हा 
रस जाती गावा 
निर्गुणाच्या॥

असे देहा योग्य 
करावा आहार
आणिक विचार 
सोडावा तो॥

जर का आहारी 
असेल विचार 
जाणावे विकार 
आहे आत ॥

जाताच शरण 
दत्तअवधूता 
वाहतो तो चिंता 
अवघीच ॥

हवे तेच मिळे 
नको ते न मिळे 
अट्टाहास जळे 
रसनेचा ॥

पाहिले विक्रांते 
ऐसे घडतांना 
म्हणुनिया मना 
चिंता नाही॥

डॉ.विक्रांत प्रभाकर तिकोणे

कोणत्याही टिप्पण्‍या नाहीत:

टिप्पणी पोस्ट करा

शुन्याला भेटाया

शून्य ***** शून्याला भेटाया  शून्य हे अधीर  संमोहाचा तीर  सोडुनिया ॥ आकाशा आधार  खांब खांबावर  बांधून अपार  चढू पाहे ॥ मिटताच डो...