ऋणानुबंध
*********
एका झुडपाच्या पानी
दुज्या वृक्षांची ती फुले
परि सांभाळी प्रेमाने
देठ नसून जुळले ॥
साथ तयाची तशी ही
नसे जरी जीवनाची
दिसे तरीही देखणी
गाठ अमूल्य क्षणांची ॥
जाणे आहेच तयाला
येता झुळुक कोवळी
सांज नेईल अथवा
नच ओघळता खाली ॥
गंध दाटला मोहक
तया थोराड पानात
स्वप्न उमलले वेडे
फुल रुसल्या कुशीत॥
भाग्य कुणाचे हे किती
काही कुणास कळेना
बघ ऋणानुबंध हे
पाना फुलांस सुटेना ॥
डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा