सोमवार, २२ जुलै, २०१९

त्यातीलच एक


त्यातलाच एक  
*********
जगत आधारा 
परम कृपाळा 
म्ह्णती  उदारा 
तुज सारे 

म्ह्णुनिया मग 
तीच ती अक्षरे 
ओठी मीही धरे  
आशेने रे 

जगतो सुखात 
चौकोनी घरात 
आखीव जगात 
नीटपणे

परि का मनात 
उदास आकाश 
अतृप्ती आभास  
कोंडलेला 

कितीक जणांचे 
असेच जगणे 
आणून उसने 
वसान 

त्यातीलच एक   
करू नको मला 
किनारी बसला 
भयभीत 

विक्रांत तयार 
बुडाया तराया 
येण्यास तुझिया
तीरास त्या 


डॉ. विक्रांत प्रभाकर तिकोणे 


कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...