ऐसा दत्त
********
ऐसा दत्त दिसो मज
मनोमनी उजळला
जीवनाच्या वाटेवरी
क्षणो क्षणी साथ आला
ऐसा दत्त कळो मज
जगतांना जाणलेला
आयुष्यात काठोकाठ
भक्तासवे बसलेला
असा दत्त मिळो मज
प्रार्थनेत सजलेला
आपपर भाव गेला
जनीवनी वसलेला
असा दत्त फळो मज
दुजाभाव नसलेला
घरीदारी परिवारी
जीवलगी सामावला
असा दत्त पाहो मज
एक रुपी एक झाला
तया पावुला विक्रांत
जन्मोजन्मी विसावला
डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा