..
.
.. माता शारदा ..
करतो मी स्तुती
माता शारदेची
माझ्या जीवनाची
सर्वस्व जी II
हंसवाहिनी ती
विद्येची देवता
व्यापूनिया चित्ता
राही सदा II
तिच्या वीणा नादी
ॐ कार गुंजती
लक्ष प्रकाशती
सूर्यकण II
आई अधिष्ठात्री
चौदाही विद्येची
चत्वार वाचेची
जननी जी II
तिचा प्रसादाने
साहित्याची लेणी
आकाश भरूनी
मूर्त होती II
शुभ्र कमलासना
मूर्त शुचिता जी
मज मती माजि
वास करो II
विक्रांत नेणते
लेकरू हे तिचे
आजन्म विद्येचे
स्तन्य मागे II
डॉ. विक्रांत प्रभाकर तिकोणे
कोणत्याही टिप्पण्‍या नाहीत:
टिप्पणी पोस्ट करा