बुधवार, ३१ जुलै, २०१९

गिरनारी





गिरनारी 
******

आलो गिरनारी 
घडले दर्शन 
आनंदाचे घन 
मन झाले 

बाप अवधूत 
पाहियला डोळा 
युगाचा सोहळा 
क्षणी झाला 

पाहिली पावुले
शिळे उमटली 
दर्शने जाहली 
तृप्ती जीवा

केले दंडवत 
उत्तराभिमुख 
स्मरून अलख 
हृदयात

सरे सारा शीण
आनंद उधाण
दत्तात्रेयी मन
लीन झाले

पडला विसर
सा-या जगताचा
खिळल्या पायाचा
देह झाला

विक्रांत दत्ताचा 
दत्ताला भेटला 
ठेवून स्वतःला 
आला तिथे  

डॉ.विक्रांत प्रभाकर तिकोणे
http://kavitesathikavita.blogspot.in


कोणत्याही टिप्पण्‍या नाहीत:

टिप्पणी पोस्ट करा

वरदान

वरदान ****** उगा उगाच पथात पाऊस पडुन गेला  थकल्या जीवा तजेला क्षणात देऊन गेला    मागेपुढे होता दग्ध रखरखाट सारा  व्याकुळले प्राण...