मंगळवार, ३० जुलै, २०१९

पापाचा तो पैसा



पापाचा तो पैसा 
असे रे कोळसा 
आत्म्याचा आरसा 
काजळता 

देतो जगण्याला 
सारे विश्वंभर 
तया कृपेवर 
आस्था ठेव  

मनाची या हाव 
नाही सरणार 
आग मागणार 
तेल सदा 

एक एक पैसा 
होय पाप ओझे 
दार नरकाचे 
रुंदावते 

जळू दे रे हात 
माझे अवधूता 
चुकून लागता 
तया  कधी 

विक्रांता भाकर 
देई एक वेळ 
नावे ओठांवर 
आणि तुझे

डॉ.विक्रांत प्रभाकर तिकोणे
http://kavitesathikavita.blogspot.in

**

कोणत्याही टिप्पण्‍या नाहीत:

टिप्पणी पोस्ट करा

जस्सी सिस्टर

जस्सी सिस्टर( निवृत्तीदिना निमित्त) ********** जस्सी सिस्टर बद्दल बोलायचे तर  त्या सुद्धा कॉटर्समध्येच राहायच्या  त्यांची मुलं आ...