गुरुवार, १८ जुलै, २०१९

जीवन पाहावे दत्त रुपे




मरणा आधीचे मरण

****************





मरणाचे वाटे

जगणे चालते

कधी ना थांबते

चक्र तिथे ॥



राजाही धावतो

त्याच त्या पथाने

साधूंचे चालणे

घडे तैसे  



रंकही संपतो

धनिक मरतो

वाट्याचा सरतो

काल तेव्हा ॥



मरण थोरले

भरून राहिले

जगाने पाहिले

जरी इथे ॥



मरण शब्दही

ओठां न आणती

कैफात जगती

लोक इथे



मरणा आधीचे

मरण कळावे

जीवन पाहावे

दत्त रुपे ॥



म्हणूनी विक्रांत

अवघे सोडतो

पावुला धावतो

दत्ताचिया ॥



डॉ.विक्रांत प्रभाकर तिकोणे

http://kavitesathikavita.blogspot.in‍



००००००






कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...