रे मी एक
दत्त
***********
रे मी एक दत्त
नि तू एक दत्त
करू नको खंत
कशाचीही ॥१॥
नको धावू असा
राही उगा उगा
फोडूनिया फुगा
अहंचा या ॥२
करी पारायण
दत्त नारायण
दिसेल चरण
अंतर्यामी ॥३
सगुण साकार
प्रेमाचा आकार
घेऊन आधार
सनातन ॥४
कळेल रे अर्थ
निर्गुण ते तीर्थ
प्रयाग कूटस्थ
त्रिकुटीत ॥५
अत्रीचा प्रेमळ
सांगतो कृपाळ
विक्रांता सरळ
गुज गूढ ॥
©डॉ.विक्रांत प्रभाकर तिकोणे
कोणत्याही टिप्पण्या नाहीत:
टिप्पणी पोस्ट करा