शुक्रवार, १५ फेब्रुवारी, २०१९

पुलवामा



पुलवामा
*******

मातीत मिसळते रक्त
जेव्हा तिथे सैनिकांचे
उकळते रक्त इथे
प्रत्येक भारतीयाचे

आक्रोशाने घर सुन्न
होती जेव्हा सैनिकांचे
शिवशिवतात हात
श्वास होती वादळाचे

हे युद्ध नसे धर्माचे
हे अधर्म युद्ध आहे
माथेफिरू वल्गनांची
गंदी करतूद आहे

बळ तुझ्या हातातले
सरले कारे भारता
करी निशत्रू हि धरा
घेई गांडीव ते हाता

बोल हेच पुन्हा तुझे
उमटू दे रे केशवा
दुष्ट असुरी तमाचा
सर्व नाश तो घडावा

हीच माझी प्रार्थना नि
हाच माझा आक्रोश रे
देई शस्त्र वा या हाती
संपविण्या हौदोस रे

© डॉ..विक्रांत प्रभाकर तिकोणे
http://kavitesathikavita.blogspot.in

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...