रविवार, १६ नोव्हेंबर, २०१४

सर्वस्व देणे






असो नसो नाव काही
ते नाते एक असते
शब्द अर्था वाचूनही
ते गाणे एक फुलते 

मागणे नसते जरी  
आर्त उरात दाटते
मेघांचे धरतीवरी
ते कोसळणे असते

ती शामला निरागस
ग्रीष्मात म्लानसी होते
तिज पाहुनी तयाचे   
घन मन हेलावते

ते प्रेम असले तरी
ते नाव तया नसते
कुणास्तव कुणाचे ते
सर्वस्व देणे असते

विक्रांत प्रभाकर



कोणत्याही टिप्पण्‍या नाहीत:

टिप्पणी पोस्ट करा

Reel, रिल

Reel/रिल ********* एका मागे एक रील धावतात  मना धरतात आवळून ॥१ कळण्याआधीच थांबण्याआधीच  नेती ओढतच लागोलाग ॥२ यात गुंतूनिया काही न...