रविवार, २३ नोव्हेंबर, २०१४

प्रेमास हाड कर






जमलेच तर
एक काम कर
या माझ्या प्रेमा
आता हाड कर

खुळचट सारे
शोध सुखाचे
व्याकूळ भुकेल्या
पथ कुत्र्याचे

सवय जुनाट  
आहे वेड्याची
स्नेह सुखाची  
नि सहवासाची

उगाच भावूक
तू होवू नकोस  
खावू बोलावून
त्या देवू नकोस

थोडा कुई कुई
करेल तसा तो
तोंड खुपसून
रडेल उगा तो

प्रत्येक श्वानास  
जगणे असते
कधी रोटी  तर
कधी उकिरडे

विक्रांत प्रभाकर



कोणत्याही टिप्पण्‍या नाहीत:

टिप्पणी पोस्ट करा

लोभ

लोभ ****** फुटली उकळी  गाणे आले गळा  प्रेमे उजळला  गाभारा हा ॥ १ शब्द सुमनांनी  भरले ताटवे भ्रमराचे थवे  भावरूपी ॥ २ पसरला धूप  ...