सोमवार, १७ नोव्हेंबर, २०१४

तुझ्यामध्ये माझेपण







तूच माझे दु;ख आहे
चांदण्यात पेटलेले
तूच माझे सुख आहे
आकाशाला भिडलेले ||

तुझ्यामुळे अस्तित्व हे
मुक्त असे आकारले
तझ्या विना होईल ते
शून्य सारे भांबावले ||

तुझ्यामध्ये माझेपण 
काठोकाठ सामावले  
पेटलेल्या धुनीतील
जणू काही आग झाले ||

जगण्याचा अर्थ तूच
मरण्याला सार्थ कर
तेवणारा दीप स्निग्ध
मला तुझी वात कर ||

विक्रांत प्रभाकर







कोणत्याही टिप्पण्‍या नाहीत:

टिप्पणी पोस्ट करा

दुर्लभ

दुर्लभ ***** तुझी भक्ती दत्ता असे रे दुर्लभ  मोतीयाचा गर्भ शिंपी जैसा ॥१ ज्याची कुळवाडी असे देवभक्ती  सदाचार वृत्ती सर्वकाळ ॥२ ज...