जावू नको
********
दूर पुन्हा टाळूनिया मजला तू जावू नको
जागलेले स्वप्न माझे
हरवुनि देवू नको ॥
गेल्याच छेदीत वाटा
तुझ्या अन माझ्या पुन्हा
काळवेळ नशिबा त्या
बोल उगा लावू नको ॥
कळल्यावाचून काही
गुंफले हातात हात
झिडकारुन तयास
आसवे तू गाळू नको ॥
का न कळे मिळतात
वाटा पुन्हा आपल्या या
उकले ना गूढ मज
उकलीत राहू नको ॥
दे वाहून या क्षणाला
घेत हवेत गिरकी
कोमेजून फांदीवर
आयुष्य घालवू नको ॥
अक्षरात काळीज का
लिहिता हे येते कधी
कोरड्या शब्दात सखी
मजला तू तोलू नको ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
