एकांत
*****
तुझ्या स्मरणात दत्तात्रेया
स्वरूपात बुडी देऊनिया चित्त
राहू दे निवांत दयाघना
तुच आत्मतत्त्वी तुच तू स्वरूपी
चिदानंद रुपी सर्वाकार
असु दे बाजूला चालला संसार
जगाचा व्यापार सुखनैव
जावे रानीवनी संसार सोडूनी
मनाला घेऊनी कासया ते
जगात राहुनी जग न होऊनी
तुझ्यात मुरुनी राहो मन
जाणतो विक्रांत हेच खरे तप
रूपात अरूप पाहणे रे
🌾🌾🌾
© डॉ.विक्रांत प्रभाकर तिकोणे https://kavitesathikavita.blogspot.com ☘☘☘☘☘☘
