कवितेसाठी कविता: घाव

सोमवार, २३ जानेवारी, २०२३

***

एक घाव एक डाग मिटलाय मनातला

एक भाला उकलला उरामध्ये घुसलेला

अजूनही कुठे कुठे आहे शस्त्र रुतलेले

तन मन अजूनही वेदनेने व्यापलेले

द्वेषाविना सहजच जगलोय आम्ही इथे

काम क्रोध जिंकताना हरलो कट्यारी पुढे

व्हावे आता नीट सारे मागे काही चुकलेले

चुकणाऱ्या साथ घेत चालू मार्ग निवलेले

परी नको त्याच चुका तेच युद्ध हरलेले

उंच उंच ध्वज राहो राष्ट्रगाणं स्वरातले

🌾🌾🌾

कवितेसाठी कविता