****************
तिला माहित नसेलही हे कदाचित
सात्विकता होती ती जग पाजळीत ॥
यायची घेऊन सौम्य चांदणे सवेत
अन व्हायचे सारे जग प्रकाशित ॥
ती बोलायची मोजके जरी ना मित
सभोवार उमटायचे मंगल संगीत ॥
तिच्या हसण्याची एक मोहक रीत
कानात गुंजायाचे शब्दा विना गीत ॥
फुले वेदनांची जरी की ओंजळीत
नव्हतीच कटुता शब्द देह बोलीत ॥
ती शांत समयी जणू की देवघरात
जरी रोष तडकून येई कधी वातीत ॥
ती आई शोधणारी प्रिय पाडसास
तिचे डोळे तसेच करुणा हंबरीत ॥
ती गेली आता मागण्यास न्याय देवा
संपली मेणमुर्त आज कोरली मेणात ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘ ..
Khup chan शब्दांकन
उत्तर द्याहटवा