कवितेसाठी कविता: स्वामी छायेत

रविवार, १५ जानेवारी, २०२३

***********

दत्त पदी हे माझे जीवन

स्वामी पदी म्या केले अर्पण ॥१

घेतो माझे मी हे म्हणवून

माझे नुरले परि जीवन ॥२

अवधूताचा मार्ग धरला

स्वामी छायेत जन्म चालला ॥३

आता मागू मी काय कुणाला

कल्पवृक्ष तो मज भेटला ॥४

काय कळावे मजला स्वामी

सागर तीरी मुंगी जणू मी ॥५

परि दीनाचा तोच दयाळू

करितो माझा प्रेमे सांभाळू ॥६

तोच धरतो तोच सोडतो

हरवू जाता खेचून घेतो ॥७

किती वाणावे तया कृपेला

श्रीगुरुदास सुखी जाहला ॥८

🌾🌾🌾

कवितेसाठी कविता