मंगळवार, १० जून, २०१४

शब्दात प्रेम बोलता






शब्दात प्रेम बोलता
आकाश भरून येते
सहस्त्र जलधारांनी
अनावर कोसळते
डोळ्यात प्रेम बोलता
पौर्णिमा स्वर्गीय होते
शीतलता तनामना
तप्त प्रतिक्षा संपते
स्पर्शात प्रेम बोलता
वेलीवरी अंकुरते
मृदल मंद उत्कट
कणोकणी रोमांचते
मौनात प्रेम बोलता
देणेघेणे शून्य होते
उपचार हद्दपार
द्वैतही मिटून जाते

विक्रांत प्रभाकर
http://kavitesathikavita.blogspot.in/


येथे कोणत्याही टिप्पण्‍या नाहीत:
लेबल:

सोमवार, ९ जून, २०१४

अशी सखी ती जगा वेगळी






तळपत्या उन्हात ती
कामा मध्ये मग्न होती
लागेल ऊन जळेल कांती
तिला मुळी फिकीर नव्हती

किती वेगळी आहे ती
म्हणू तिजला काय नकळे
कैलासातील सुंदर लेणे
लोकगीत वा कुणी गाईले

खळखळत्या झऱ्यासारखे
तिचे अखंड कलकल बोल
मृद गंधाने मोहरलेली
तिच्या शब्दामधील ओल

अशी सखी ती जगा वेगळी
कणखर ठाम मुग्ध सावळी
तिच्या नकळत या जीवनी
आनंदाचा मेघच बनली

विक्रांत प्रभाकर
http://kavitesathikavita.blogspot.in/





येथे कोणत्याही टिप्पण्‍या नाहीत:
लेबल:

दूर मी जाणार आहे






जेव्हा तू म्हणालीस
दूर मी जाणार आहे
नवे क्षितीज नवे आकाश
खांद्यावरी घेणार आहे
एक पोकळी अवकाळी
माझे मन व्यापून गेली
निराधार अन वावटळी
जाणिव क्षणात होवून गेली
बंध अजून नव्हते जुळले
तरीही काही तुटत गेले  
मावळले शब्द माझे
तुटक हुंकार फक्त उरले
तू स्वप्नांना उलगडतांना
एक नवे चित्र काढले
माझे तेव्हा मला दिसले
रंग सारे मावळलेले  
थोपटले मी मनास माझ्या  
आणि तुजला म्हटले
जा पुढे सदा जीवनी पण   
जुने पाहिजे का सुटले ?

विक्रांत प्रभाकर
http://kavitesathikavita.blogspot.in/


येथे कोणत्याही टिप्पण्‍या नाहीत:
लेबल:

रविवार, ८ जून, २०१४

सखी !








जाणार जरी तू
नक्की असते
येणार कधी ते  
माहित नसते
भले थोरले
कुलूप कडीला
सदा न कदा
मला खिजवते
त्या दारावर
जीव माझा
एक बिचारे
लटकणे होते
अन खटखटता
कडी कुठली
मन बावरे
उगा धावते
चार शब्द
स्मित क्षणांचे
बाकी काही
कशात नसते
माझे वेडे
स्वप्न धुळीचे
सखी आभाळाला  
जावून भिडते

विक्रांत प्रभाकर
http://kavitesathikavita.blogspot.in/

येथे कोणत्याही टिप्पण्‍या नाहीत:
लेबल:
याची सदस्यत्व घ्या: पोस्ट (Atom)

भय

भय *** किर्र निर्मनुष्य अश्या  जयंती माता जंगलात  मऊ मातीत उमटलेली  ताजी व्याघ्र पावुले  अन् एकटेपणी  चाललेली माझी परिक्रमा . वि...

  • कवितेत दत्त
    कवितेतील दत्त ** जर कधी तुम्हाला माझ्या कवितेत दत्त दिसत नसला तरीही दत्त तिथेच वसत असतो जरी मी वाचेने म्हणत नसलो तरीही त्यालाच...
  • मरण
    झाकलिया घटीचा दिवा । नेणिजे काय झाला केधवा । यारीती जो पांडवा । देह ठेवी ...ज्ञानेश्वरी मरण ***** असे हवे रे सुंदर मरण   ज्यात ओघळून  जाईल ज...
  • अधिक देखणे तरी निरंजन पाहणे भावार्थ
    अधिक देखणे तरी निरंजन पाहणे  भावार्थ ******************************** अधिक देखणे तरी निरंजन पाहणे योगीराज विनविणे मना आले वो माय...
  • तुझे डोळे
    तुझे डोळे ***** तुझे डोळे चांदण्यांचे बावरल्या हरीणीचे दूर कुठे अडकल्या गायीच्या गं दावणीचे . तुझे डोळे नवाईचे घनदाट...
  • झाड
    झाड **** या किनाऱ्याला  मी चालत आहे  मी माझ्यातच रुजत आहे  मी झाड होत आहे  इथले पाणी खोलवर  माझ्या आत झिरपत आहे  तोच मी जरी  काह...
  • महात्मा ज्योतिबा फुले
    महात्मा ज्योतिबा  फुले ****** ज्योतीबा, तू लावलेल्या वटवृक्षांच्या सावलीत जगत आहोत आम्ही समतेची स्वातंत्र्याची फळे चाखत आहोत आम्ह...
  • लोणचे व चटणी
    लोणचे व चटणी  ************ तोही जाणतो की तो लोणचे आहे  तीही जाणते की ती चटणी आहे  चटणी आणि लोणचे चवीपुरते असते  जेवणाची फक्त लज्...
  • विझू देत
    विझू देत +***+ माझ्या विझल्या आगीत  का ग जिंदगी शोधते  नको उकरूस धुनी तिथे ठिणगी नांदते ॥ गेला जळूनिया सारा जरी इथला पसारा  उब ज...
  • शोध
    शोध ****" माझ्यावाचून माझा मी मला कसा येईल कळुनी  रे पहिल्या पाऊलात का कुणा देव जाईल मिळूनी  खण खण खण खोलवर ओल लागेल तोवर  ...
  • देव देश अन धर्मासाठी
    देव देश अन धर्मासाठी  ********** जन्म देवासाठी  जावो हा सगळा  भावभक्ती मळा  फुलो सदा ॥ देह देशासाठी  जावो हा सगळा  ...