शब्द शब्द मी ऐकत होतो
तरीही किती कोरडा होतो
मारून मुटकून भक्ती ती
उगाच गोळा करत होतो ll १
ll
अनुभूतीच्या प्रवाहात ते
चिंब चिंबसे भिजत होते
माझिया मनी ढग वांझोटे
पांढरे तेहि तिथे नव्हते ll २
ll
कुणा दिसे धवल ओंकार
कुणी ऐके नाद अनाहत
माझ्या पाठीस लागुन रग
खाली खडे ही होते टोचत ll ३
ll
बसल्या बसल्या मग उगा
दिवा स्वप्ने ती पाहत होतो
साक्षात्कार गुरुकृपा नि
मठ छानसा बांधत होतो ll ४
ll
नव्हती श्रद्धा तरीही नम्र
नशीबा जणू अजमावत
त्या तयांच्या कृपाप्रसादात
थर्माकोल तो उगा वाहत ll ५
ll
विक्रांत
प्रभाकर
http://vikrantchishodhyatra.blogspot.in/
