ब्रीद
*****
मुखी घास भरवतो
ओळखी वाचून कुणा
गूढ गुज हाती देतो ॥
माझ्यासाठी अवधूता
काय पाय थकतात
दोन घास देण्यासाठी
हात मागे सरतात ॥
असेलही कुरूप मी
मातीमध्ये मळलेला
मनाचिया चिखलात
कधी कुठे पडलेला ॥
तुझ्याविना पण कोण
मजलागी पुसणार
धुवूनिया भक्ती प्रेमे
जवळी रे करणार ॥
माय बाप सखा तूच
अन्य कोणी ना आधार
दीनबंधू दीनानाथ
ब्रीद करी रे साकार ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा