बुधवार, १९ जून, २०२४

अवधूता

अवधूता
*******
अवधूता तुझे गाणे 
मजला सुचत नाही 
मृदुंगाची साथ अन
टाळ झंकारत नाही ॥१

अवधूता तुझी वाट
मज सापडत नाही 
निशाणाच्या खुणा अन
ठसे ही दिसत नाही ॥२

अवधूता तुझे प्रेम 
मजला भेटत नाही .
संसाराची व्यथा अन
बंधन तुटत नाही ॥३

अवधूता शोधू कुठे 
कुणीच सांगत नाही 
धावतो मी रानोमाळ 
दिशा ती कळत नाही ॥४

अवधूता येई आता 
त्राण या देहात नाही 
पुसूनी प्रारब्ध माझे 
मजला मिठीत घेई ॥५

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  .
☘☘☘☘ 🕉️ 

कोणत्याही टिप्पण्‍या नाहीत:

टिप्पणी पोस्ट करा

गाणे

गाणे **** काही उरली सुरली  माझी निरोपाची गाणी घेई उचलूनी हाती देई दूर वा सोडुनी ॥१ मुठ करता रिकामी  मुठ मुठ न उरते  होते साठवले ...