कवितेसाठी कविता: दत्त नाम

बुधवार, २६ जून, २०२४

*******

ध्यानाचे ही ध्यान जिथे हरवते

ज्ञानाचे ही ज्ञान जिथे वितळते ॥१

तेच ते पावन दत्ता तुझे नाव

असावे हृदयी होऊनिया भाव ॥२

रूपाचे ही रूपे जिथे मावळती

शब्दांचे तरंग जिथे विरताती ॥३

ते रे शब्दातीत स्वरूप जे तुझे

नाही मजलागी धैर्य जाणायाचे ॥४

म्हणुनी तुजला मागतो साधन

सहज सोपान कृपेशी कारण ॥५

दत्ता सदा तुझे घडावे चिंतन

व्हावे दत्तमय सरो माझेपण ॥६

🌾🌾🌾

https://kavitesathikavita.blogspot.com .

☘☘☘☘ 🕉️