मैत्री सल्ला
*************
तुझे प्रेम कोणासाठी रानोमाळ भटकते
वेचूनिया आकाशीचे
शब्द शब्द जमवते ॥१
हळुवार कुजबुज
जणूकी वाटे स्वतःशी
गहनशा संवादात .
बुडलेली हिमराशी ॥२
कोणी येता जवळ ते
ओठ घट्ट मिटतात
स्वप्नातल्या पापण्याही
पुन्हा येती जगतात ॥३
एकांताची ओढ तुझी
पण लपतच नाही
डोळ्यातील चमक ती
खोटे बोलतच नाही ॥४
पण जरा जपूनच
राहा माझे सखी राणी
वादळात प्रेमाच्या या
बुडालीत किती कोणी ॥५
सुंदरशा प्रेम वाटा
घाट परी निसरडे
चाल घट्ट धरूनिया
जिवलग मित्र कडे ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्‍या नाहीत:
टिप्पणी पोस्ट करा