कवितेसाठी कविता: देहाचे आकाश

रविवार, ३० जून, २०२४

************

दत्ताचिया पदी वाहूनिया भक्ती

पातलो निश्चिती आता रे मी

जहाला शेवट अवघ्या यत्नांचा

काही करण्याचा आव नाही

ठेवील तो जैसा तैसा मी राहीन

कृपेची लेईन वस्त्रे सदा

असो संसाराचा दारी ताप वारा

आपदांच्या धारा अविरत

देह जगणारा जगू देहात

संकल्प मनात नसलेला

दत्त बोलविता दत्त चालविता

कर्ता करविता दत्त व्हावा

विक्रांत जगाचा सुटो कारावास

देहाचे आकाश दत्त व्हावे

🌾🌾🌾

https://kavitesathikavita.blogspot.com .

☘☘☘☘ 🕉️ .