कवितेसाठी कविता: पाउस म्हणतो

सोमवार, १७ जून, २०२४

***********

वारा म्हणतो अडेल मी

पाणी म्हणते पडेल मी

या मातीच्या कणाकणातील

बीज म्हणते रुजेल मी ॥१

तळे म्हणते भरेल मी

माती म्हणते भिजेल मी

या रानातील इवले इवले

झाड म्हणते फुलेल मी ॥२

मोर म्हणतो नाचेल मी

चिऊ म्हणते हसेल मी

ओढयातील डबक्या मधला

बेडूक म्हणतो फुगेल मी ॥३

मांजर म्हणते लपेल मी

मोत्या म्हणतो घुसेल मी

पश्चात्तापी झाड तोड्या

माणूस म्हणतो जगेल मी ॥४

पाऊस म्हणतो झाडे जगवा

तरच इथे येईल मी ॥

वने जाळता झाड तोडता

रे माघारी जाईल मी ॥५

🌾🌾🌾

https://kavitesathikavita.blogspot.com .

☘☘☘☘ 🕉️