कळवळा
*******
अडकले चित्त सुखात दुःखात
संसार भोगात जडवत ॥
दीपाचे दीपक स्वयं प्रकाशक
मागतात भीक दारो दारी ॥
अन रिक्ततेची लागुनी टोचणी
शीणती शोधूनी सैरावैरा ॥
मग श्रीपादाला येई कळवळा
माऊलीचा लळा जैसा बाळा ॥
अद्वैताचे प्रेम पाजूनिया जगी
पुन्हा नेइ वेगी स्वस्थानाशी ॥
दावुनिया खेळ सगुण निर्गुण
चिन्मयाची खूण पटवतो ॥
सांगतात संत असे ग्रंथातरी
विश्वास त्यावरी ठेवा सदा ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्‍या नाहीत:
टिप्पणी पोस्ट करा