कवितेसाठी कविता: याचक

शनिवार, १३ एप्रिल, २०२४

*******

दत्त दारीचा याचक

काय सांगू त्याची मात

जय लाभ यश कीर्ती

असे तयाच्या हातात ॥

जाता दत्ताला शरण

चुके जन्म नि मरण

देह उरला नुरला

कैसे काय ते स्मरण

जाणे तयाच्या दारात

भाग्य असे रे जन्माचे

पडो झोळीत काहीही

दान मागावे भक्तीचे

हट्टी होई रे भिकारी

रहा अडुनिया दारी

एकरूप त्या होवूनी

सरो निघणे माघारी

जन्मा आल्याचे फळ

दत्त दत्तची केवळ

तया वाचून असती

लाभ अवघे निष्फळ

🌾🌾🌾

https://kavitesathikavita.blogspot.com .

☘☘☘☘ 🕉️