श्रीपाद सखी
***********
स्वप्न हरखले डोळीया मधले स्वप्नास लंघुनी स्वप्न हे उरले ॥१
नभात लक्ष दीप उजळले
अन चांदण्याचे तोरण जाहले ॥२
कणाकणातून स्फुरण उठले
खुळ्या अस्तित्वाचे भान हरपले ॥३
गिळून मीपण मीपण उरले
स्थळ काळाचे या भानही नुरले ॥४
ऐशिया प्रीतीने मजला व्यापले
श्रीपादाची सखी अनन्य मी झाले ॥५
जगत दाटले या मनामधले
मन हरवता मनास कळले ॥६
तोच तो विक्रांत तेच ते जगणे
क्षितिज सजले दिसते वेगळे ॥ ७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा