दत्त स्वरूप

दत्त स्वरूप

**********

अद्भुत विराट असे दत्त रूप 

तयाचे स्वरूप कोणा कळे ॥१

असून निर्गुण भासतो सगुण 

होऊन अधीन भक्ताचिया  ॥२

तयाच्या संकल्पे विश्व जन्म घेई

लयासी ही जाई क्षणार्धात ॥३

लिहिण्या दे बळ शब्दांचा हा खेळ 

विक्रांत केवळ निमित्तच ॥४

अगा प्रेम राशी सर्व गुणविधी 

ज्ञाना तू अवधी दयाघना ॥५

करी मी स्तवन तुझिया कृपेनी

सुमने वेचूनी तुच दिली ॥६

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ 🕉️