सुटले
****
विसरला पथ हरवला गाव कोमेजले शब्द मावळला भाव ॥१
सुटले कीर्तन सरले गायन
उतरली नशा जाणीवेत मन ॥२
फुटला मृदुंग तुटला रे टाळ
हरला हव्यास मनातला जाळ ॥३
अंतहिन थांबे अर्थहीन खेळ
धावणे नुरले उगा रानोमाळ ॥४
सुटता सुटले दाटलेले कोडे
अतृप्तीत मग्न दिसे मन वेडे ॥५
लाटावर लाटा बेभान अनंत
स्तब्ध खोल शांत डोह अंतरात ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा