कवितेसाठी कविता: तथ्य

रविवार, ३ मार्च, २०२४

****

थांबलेला श्वास विरलेला स्वेद

जगताचा भेद मावळला ॥१

कागदाची गत जैसी वादळात

तसे रे अस्तित्व हरवले ॥२

पेल्यातला रंग सांडावा नदीत

तैसे समग्रात मन जाई ॥३

कणकण जणू होतं विघटीत

देहाचे गणित कळू ये ना ॥४

सारे अट्टाहास उगा असण्याचे

आजचे उद्याचे व्यर्थ झाले ll ५

आले स्वप्नभान जगता स्वप्नात

निद्रा जागृतीत भेद नाही ॥६

दिसते म्हणून असते जगत

तथ्य दिसण्यात अन्य नाही ॥७

🌾🌾🌾

https://kavitesathikavita.blogspot.com .

☘☘☘☘ ,🕉️