ओंजळ

ओंजळ

*******

जीवन हातातून 

ओघळून गेले आहे 

आता फक्त काहीसे 

हात ओले आहे 

पण ती ओल ही 

नाही भागवत तहान 

कोणाचीही 

अगदी स्वतःची ही 

ती तिची साथ 

तीही आहे 

क्षणिक आता 

पाहता पाहता  जात आहे  

उडून वाफ होऊन 

त्याचे दुःख मला नाही 

त्याबद्दल वाईटही वाटत नाही 

ते क्रमप्राप्तच आहे 

पण खंत एवढीच आहे की 

ती ओंजळ भरली होती तेव्हा 

मला कोणाच्या पायावर 

वाहता आली नाही 

सर्वस्वाने सर्वार्थाने

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ 🕉️