नर्मदा माई
*****
जन्म तुझ्या पायी वाहायाचा ॥
तीच ती पाऊले तोच तो किनारा
माझिया अंतरा भिजलेला ॥
पण काय असे वेळ ठरलेली
रेष ओढलेली अदृश्याची ॥
उकळून भाव माझिया जीवाचा
दाटल्या हाकेचा घोष व्हावा ॥
तुटू दे प्रारब्ध हटू दे अदृश्य
जीवनाचे लक्ष साध्य होवो ॥
घेई बोलावून तुझिया कुशीत
कृतार्थ करीत जन्म माझा ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा