जाणल्यावाचून
************
जाणल्यावाचून जाणतो मी तुला
पाहिल्या वाचून
पाहतो मी तुला
अर्थ ना शब्दात
सुर ना श्वासात
घडतो संवाद
तरीही डोळ्यात
ओढ ही कसली
तनाला मनाला
तिढा हा कुठला
कुण्या जन्मातला
तुला न कळते
मला न कळते
ओठातले गाणे
ओठात थांबते
मौनात मनाच्या
केशराचे रान
कस्तुरी सुगंध
धुंद माळरान
देहात चांदणे
निळे झिरपते
सुरांच्या वाचून
मन झंकारते
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा