**************
नेई मज माये दत्ताच्या अंगणी जाऊ दे रंगुनी तया द्वारी ॥
दत्त अंगणाची माती देहावरी
पांघरून सारी घेईल मी ॥
अन तयाकडे राहील पाहत
आनंदाने गात गीत त्याचे ॥
पाहिलं साजिरे रूपते गोजिरे
आनंदाचे वारे होवुनिया॥
हरवून भान दत्त होवो मन
असण्या कारण हरवून ॥
विनवी विक्रांत करी करूणा गे
नेई मज वेगे दत्त वाटे ॥
ओलांडून तुज दत्त भेटी नाही
कळू आले काही मजलागी ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘ ६
कोणत्याही टिप्पण्या नाहीत:
टिप्पणी पोस्ट करा