मागणे
******
दत्ताचे चरण सम दोन
आली सुख दु:ख जी काही वाट्याला
साहता तयाला येवू दे रे
घडो संतसंग भेटोत दुर्जन
पाहू दे समान दोघालागी
पिडा आधीव्याधी प्रारब्ध वा शाप
नुमटो संताप भोगतांना
देह जाऊ देरे देहाच्या वाटेने
तया हे जगणे भाग इथे
परी या मनाची करून गुंडाळी
दत्त पायतळी ठेवियली
विक्रांता वासना आणिक कामना
दत्त प्रेमाविना नको आता
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘ .
कोणत्याही टिप्पण्या नाहीत:
टिप्पणी पोस्ट करा