आलीस तू

आलीस तू

********:

आलीस जीवनात तू

होउनिया मधु ऋतु 

किती वाणू सखी तुला 

स्वर्ग माझा झालीस तू ॥

लाखो सलाम तुजला 

सखी लाखो कुर्निसात 

देऊ धन्य वाद किती 

जीव तुझ्या पावुलात ॥

चांदण्याचे मन झाले 

श्वास सुगंधाचे रान 

ये माधुर्य आकाराला 

जीव झाला हा कुर्बान ॥

मोहरून कणकण 

जणू झालो आम्रवन 

रूप रस गंध रंग 

तृप्त झाले हे जीवन ॥

तुझ्यासाठी जन्म झाला 

तुझ्यासाठी हे जीवन 

वांछा मनी हीच यावे 

तुझ्या कुशीत मरण ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘